Romance cheso

-¡Qué güén día que fa hoy!
-dicié a las seis la muller-.

-Por estar día de fiesta,
tápate, Antón, tápate.

Ella se devanta y mete
farinetas a cocer.

Yo me devanto
y a lo que las me vó a comer,
me'n caye una churrutera
dende lo peito enta los pies.

-¡Mecagüen las farinetas,
que no me'n tornes a fer!

Me'n vó ta misa mayor,
por sentir tocar l'organo.

Como só tan alparcero,
en todo me vó fixando.

Unas levan mantillas de Holanda,
otras mantóns de verano.

Unas se tapan por feas,
otras la cara enseñando.

Me'n vó de paseo
ta lo Puén de la Torre,
y cuando yera más pensativo en las mías cosas,
viene un crío y me dice:
-¡Tío Antón, tío Antón!
que se ha muerto tía Nicolasa.
-Nirno, ¿qué dices? Si la he dexau traxinando por casa.

Marcho corriendo y cuando i-plego
ya me sale a recibir por la escalera.

-¿Pos que t'ha pasau?
-Nada, nada, que las farinetas se m'han fincau.
Pero, dando gracias a Dios, ya las he gomitau.

[Fuente: Elena Borderas y Lola Manuela, Echo]